21 اگست ، 2015 
وزیراعلیٰ پنجاب نے بھی سوشل میڈیا کی اہمیت جان لی
21 اگست ، 2015
لاہور.......وزیراعلیٰ پنجاب شہباز شریف نے بھی سوشل میڈیا کی اہمیت جان لی، سماجی رابطے کی ویب سائیٹ پر عوام کے سوالوں کے جواب دیا کریں گے۔ پنجاب حکومت نے پہلے طلبا و طالبات میں لیپ ٹاپ تقسیم کئے اور پھر انٹرنیٹ کی طاقت کو تسلیم کرتے ہوئے وزیر اعلیٰ پنجاب شہباز شریف نے خود بھی سوشل میڈیا پر اکاؤنٹ بنالیا، جس پر وقتاً فوقتاً وہ نہ صرف اسٹیٹس اَپ ڈیٹ کرتے رہے ، بلکہ اُن سوالات کی وضاحت بھی کرتے رہے جو عوام کے ذہنوں میں سر اٹھاتے ہیں۔ مثلاً وہ بیرون ملک علاج کیوں کرواتے ہیں؟ اس کا جواب بھی شہباز شریف نے سوشل میڈیا پر ہی دیا۔ اب انہوں نے اعلان کیا ہے کہ وہ ہر اتوار کوشام سات بجے سماجی رابطے کی ویب سائیٹ پر وڈیو میسج کے ذریعے سوالوں کے جواب دیں گے۔ شہباز شریف کہتے ہیں کہ عوام کے براہ راست سوالات سےانہیں عوامی مسائل کا علم ہوگا، ترجیحات کے تعین میں بھی مدد ملے گی۔
مزید خبریں :
چیئرمین واپڈا سجاد غنی نے عہدے سے استعفیٰ دے دیا
5 گھنٹے پہلے
کراچی کے مختلف علاقوں میں ایک بار پھر زلزلے کے جھٹکے
5 گھنٹے پہلے
