22 اگست ، 2015 
فرانس ، چلتی ٹرین میں فائرنگ، اداکار سمیت تین افراد زخمی
22 اگست ، 2015
پیرس...... رضا چوہدری.....ہالینڈ کے شہر ایمسٹرڈیم سے پیرس آنے والی ٹرین میں سوار ایک نوجوان کی فائرنگ اور چاقو کے حملے سے فرانسیسی اداکار سمیت تین افراد زخمی ہوگئے۔ زخمیوں کو فوری طور پر ہیلی کاپٹر کی مدد سے اسپتال منتقل کردیا گیا۔ واقعہ فرانس کے شہر ہراس کے قریب پیش آیا۔ٹرین میں سوار دو دیگر امریکی مسافروں نے ملزم کو پکڑلیا اور پولیس کے حوالے کردیا۔ ابتدائی طو رپر امکان ظاہر کیا گیا ہے کہ ملزم کاتعلق مراکش سے ہے اور ہوسکتا ہے کہ اس کا تعلق دہشت گردگروپ سے ہو، تاہم سرکاری طور پر ابھی اس بارے میں کوئی تصدیق نہیں کی گئی ۔ ادھر فرانسیسی وزیر اعظم مینوال نے زخمی افراد سے اظہار ہمدردی کیا ہے جبکہ ملزم کو پکڑنے میں مدد دینے والے افراد کا شکریہ ادا کیا ہے ۔
مزید خبریں :
حزب اللہ نے حسن نصراللہ کی تدفین کا اعلان کردیا
27 نومبر ، 2024
آکسفورڈ یونیورسٹی کے نئے چانسلر کا انتخاب ہوگیا
27 نومبر ، 2024
