پاکستان
31 اگست ، 2015
31 اگست ، 2015 
پی ایم ڈی سی کے گھپلوں میں ڈاکٹر عاصم کا ہاتھ تھا، سائرہ افضل تارڑ
31 اگست ، 2015
اسلام آباد......وزیر مملکت برائے صحت سائرہ افضل تارڑ نےکہا ہے کہ پاکستان میڈیکل اینڈ ڈینٹل کونسل(پی ایم ڈی سی ) کے گھپلوں میں ڈاکٹر عاصم کا ہاتھ تھا لیکن ان کے خلاف ایکشن لینے میں خود پی ایم ڈی سی رکاوٹ تھی۔ وزیرمملکت نے اسلام آباد میں پریس کانفرنس کرتے ہوئے کہا کہ ڈاکٹر عاصم سامنے آنے کے بجائے پیچھے رہ کر کام کررہے تھے۔انہوں نے کہا کہ تحقیقاتی اداروں کو جو تعاون چاہئےہوگا پی ایم ڈی سی کرے گی۔سائرہ افضل تارڑ نے بتایا کہ پی ایم ڈی سی کی تباہی میں ڈاکٹر عاصم کا ہاتھ تھا،ڈاکٹر عاصم کے خلاف ایکشن لینے میں پی ایم ڈی سی کا اپنا قانون رکاوٹ بنا ہوا تھا۔ وزیر مملکت کا کہنا تھا کہ ڈاکٹرعاصم حسین پاکستان نرسنگ کونسل کے ہیڈ نہیں رہے۔
مزید خبریں :
