21 مئی ، 2012 
ریلوے انجن شیڈ ملازمین کی ہڑتال نویں روز میں داخل
21 مئی ، 2012
لاہور… ریلوے انجن شیڈ ملازمین کی ہڑتال آج نویں روز میں داخل ہو گئی۔ ریلوے انتظامیہ نے ہڑتال شروع ہونے سے قبل ہی مطلوبہ انجن ریلوے شیڈ سے نکال لیے۔ ریلوے انجن شیڈ ملازمین آج صبح سات بجے سے ہی اپنے مطالبات کے حق میں سراپا احتجاج بن گئے۔ملازمین نے چار گھنٹے احتجاج جاری رکھنے کا اعلان کیا۔ریلوے ملازمین کا کہنا تھا کہ انھیں ٹیکنیکل الاوٴنس اور پے اسکیل میں اضافہ کیا جائے اورچھٹی کے روز کام کرنے پر ڈبل معاوضہ دیا جائے۔ ریلوے انتظامیہ نے ملازمین کی ہڑتال شروع ہونے سے قبل ہی شیڈ سے انجن نکال لیے اور اعلان کیا کہ ہڑتال سے ٹرینوں کا انتظام متاثر نہیں ہو گا۔ انجن شیڈ یونین کے سیکرٹری عنائیت علی گجر کا کہنا ہے کہ ریلوے نے بغیر چیکنگ کے انجن شیڈ سے انجن نکال لیے ہیں اور اگر کوئی حادثہ ہوا تو زمہ دار ریلوے انتظامیہ کی ہو گی۔
