05 اکتوبر ، 2015 
بحرالکاہل کےبارہ ممالک کے درمیان تجارتی معاہدہ
05 اکتوبر ، 2015
واشنگٹن.......بحرالکاہل کے ساحلوں پر موجود 12 ممالک کے درمیان تاریخی تجارتی معاہدہ طے پاگیا ہے۔
امریکا، کینیڈا، جاپان، آسٹریلیا، ملائیشیا، سنگاپور اور دیگر چھ ممالک کے درمیان سستی اور آسان تجارت ہوسکے گی۔ معاہدے میں امریکہ، کینیڈا، جاپان، آسٹریلیا، ملائیشیا اور سنگاپور کے علاوہ برونائی، میکسیکو، چلی، نیوزی لینڈ ، پیرو اور ویتنام بھی شامل ہیں۔
ان ممالک کی آپس میں تجارت، دنیا کی مجموعی لین دین کا 40 فیصد ہے۔ معاہدے کے تحت اکثر مصنوعات کی تجارت پر ڈیوٹی ختم یا قابل ذکر حد تک کم ہوجائیں گی۔
اس کے علاوہ تجارت میں غیر مالیاتی رکاوٹوں کا بھی خاتمہ ہوگا۔ معاہدے پر پانچ سال سےمذاکرات جاری تھے جس میں چین کو شامل نہیں کیا گیا ہے۔
غیر ملکی میڈیا کے مطابق معاہدے کا مقصد دنیا کی معیشت میں چین کے بڑھتے اثر و رسوخ کو کنٹرول کرنا ہے۔ معاہدے میں شامل 12 ممالک اب انفرادی طور پر اس معاہدے کو منظور کرینگے۔
مزید خبریں :
وفاقی حکومت کا 5 لاکھ ٹن چینی درآمد کرنے کا فیصلہ
20 جون ، 2025
ملک میں فی تولہ سونا سیکڑوں روپے سستا ہوگیا
20 جون ، 2025
ملک میں فی تولہ سونا سیکڑوں روپے سستا ہوگیا
19 جون ، 2025
