22 مئی ، 2012
کراچی…ڈالر کے مقابلے میں روپے کی نا قدری بڑھتی جارہی ہے ،آج انٹر بینک میں ڈالر 91 روپے 55 پیسے کی بلند ترین سطح پر بند ہوا۔فاریکس مار کیٹ ڈیلرز کے مطابق انٹر بینک میں ڈالر کے مقابلے روپے کی قدر میں گراوٹ کاسلسلہ آج بھی جاری رہا اور ٹر یڈنگ کے دوران ڈالر 91 روپے 85 پیسے کی سطح پر بھی دیکھا گیا۔اوپن مارکیٹ میں بھی ڈالر کی قدر میں 30 پیسے کا اضافہ دیکھا گیا اور یہ 92 روپے 60 پیسے کی سطح پر پہنچ گیا۔ماہرین کے مطابق غیر ملکی ادائیگیوں کے دباو ، اور بھڑتا ہوا تجارتی خسارہ ڈالر کی طلب میں اضافے کا باعث بن رہا جس کے باعث روپیہ کمزور ہو رہا ہے۔