کراچی…کراچی میں فائرنگ اوردیگر مختلف واقعات میں خاتون سمیت 7افراد جاں بحق،10گاڑیاں،درجنوں موٹر سائیکلیں اور پان منڈی کے قریب متعدد دوکانوں کو نذر آتش کر دیا گیا ۔جیو ٹی وی کے نمائندے کے مطابق نجی ٹی وی کے رپورٹر اسلم خان اور کیمرہ مین بھی زخمی ہو گئے۔تفصیلات کے مطابق کراچی کے علاقے بولٹن مارکیٹ اوراولڈسٹی ایریامیں فائرنگ کے بعددکانیں بند ہوگئیں،پولیس کے مطابق نامعلوم افراد نے بولٹن مارکیٹ اوراولڈسٹی ایریامیں فائرنگ کر دی جس کے بعد وہاں بھگدڑمچ گئی اور دُکانیں بند ہوگئیں،اسپتال ذرائع نے خاتون سمیت7لاشیں اسپتال لائے جانے کی تصدیق کی ہے ۔ایم ایل اوسول اسپتال کے مطابق ٹمبرمارکیٹ میں فائرنگ سے دکاندارزخمی ہوا ہے جسے طبی امداد کے لئے اسپتال لایا گیا ہے ۔خوف وہراس کی وجہ سے میڈیسن کی ہول سیل مارکیٹ بھی بند ہو گئی ہے جبکہ صرافہ بازارکے اطراف فائرنگ سے خوف وہراس پھیل گیا۔عوامی تحریک کی محبت سندھ ریلی کے شرکاء کاایم اے جناح روڈپردھرناجاری ہے،ترجمان عوامی تحریک کے مطابق فائرنگ سے ریلی میں شریک کئی خواتین زخمی ہوئیں۔ڈینسوہال کے قریب نامعلوم افرادکی فائرنگ سے پولیس اہلکارزخمی ہو گیا ۔