کراچی…کراچی میں فائرنگ اوردیگر مختلف واقعات میں جاں بحق افراد کی تعداد تین بچوں اورخاتون سمیت10 ہو گئی ہے جبکہ30سے زائد زخمی ہوگئے ہیں۔ اب تک 10گاڑیوں،درجنوں موٹر سائیکلوں اور پان منڈی کے قریب متعدد دوکانوں کو نذر آتش کر دیا گیاہے ،فائرنگ سے جاں بحق افراد کے لواحقین لاشیں لینے اسپتال پہنچنا شروع ہوگئے ہیں۔ نمائندہ جیو نیوزکے مطابق نجی ٹی وی کے رپورٹر اسلم خان اور کیمرہ مین بھی زخمی ہو ئے۔تفصیلات کے مطابق کراچی کے علاقے بولٹن مارکیٹ اوراولڈسٹی ایریامیں فائرنگ کے بعددکانیں بند ہوگئیں،پولیس کے مطابق نامعلوم افراد نے بولٹن مارکیٹ اوراولڈسٹی ایریامیں فائرنگ کر دی جس کے بعد وہاں بھگدڑمچ گئی اور دُکانیں بند ہوگئیں،اسپتال ذرائع نے خاتون سمیت9لاشیں اسپتال لائے جانے کی تصدیق کی ہے ۔ایم ایل اوسول اسپتال کے مطابق ٹمبرمارکیٹ میں فائرنگ سے دکاندارزخمی ہوا ہے جسے طبی امداد کے لئے اسپتال لایا گیا ہے ۔خوف وہراس کی وجہ سے میڈیسن کی ہول سیل مارکیٹ بھی بند ہو گئی ہے جبکہ صرافہ بازارکے اطراف فائرنگ سے خوف وہراس پھیل گیا۔عوامی تحریک کی محبت سندھ ریلی کے شرکاء کاایم اے جناح روڈپردھرناجاری ہے،ترجمان عوامی تحریک کے مطابق فائرنگ سے ریلی میں شریک کئی خواتین زخمی ہوئیں۔ڈینسوہال کے قریب نامعلوم افرادکی فائرنگ سے پولیس اہلکارزخمی ہو گیا ۔