لاس اینجلس ......ہالی وڈ کے صف اول کے اداکار رابرٹ ڈی نیرو، بریڈلے کوپر اور اکیڈمی ایوارڈیافتہ اداکارہ جنیفر لارنس کی کامیڈی ڈرامہ فلم "جوائے"کا نیا ٹریلر جاری کر دیا گیا۔

ہدایتکارڈیوڈ او رسل کی ڈائریکشن میں بننے والی اس بائیوگرافیکل فلم کی کہانی تین بچوں کی ماں کے گِرد گھومتی ہے جواپنے شوہر سے طلاق کے بعدتن تنہا بچوں کو پالنے کی سر توڑ کو ششیں کرتی ہے، اس کی محنت رنگ لاتی ہے اور اس کا خاندان آئندہ چار نسلوں تک کامیاب ترین بزنس فیملی کی حیثیت سے جانا جانے لگتا ہے ۔

حقیقی واقعات سے متاثر ہو کر بنائی گئی اس فلم کو جان ڈیوس اور میگن ایلیسن نے مشترکہ طور پر پروڈیوس کیا ہے جبکہ فلم کی کاسٹ میں رابرٹ دی نیرو، بریدلے کوپر اور جینیفر لارنس کے علاوہ ایجر ریمی ریز ، ورجینیا میڈسن ، ڈیانے لیڈ، ایزا بیلے روزلینی اور الزبیتھ روہم شامل ہیں۔

50کی دہائی میں جنم لینے والی امریکی کامیاب ترین کاروباری منتظم جوائے مینگانوکی زندگی پربنائی گئی یہ فلم25دسمبر کو سنیما گھروں میں نمائش کیلئے پیش کی جائے گی۔