08 نومبر ، 2015 
کرپشن نے معاشرہ کی جڑوں کو کھوکھلا کر دیا ،رضا ربانی
08 نومبر ، 2015
سرگودھا ........سینٹ کے چیئرمین رضا ربانی نے کہا ہے کہ کرپشن نے معاشرہ کی جڑوں کو کھوکھلا کر دیا ہے ۔پسند ناپسند کی بجائے غیر جانبدارطریقے سے کرپشن کے خلاف مہم چلا ئی جانی چاہئے ۔
سرگودھا میں سا بق وزیر مملکت تسنیم احمد قریشی کے بیٹے کی شادی کے موقع پر میڈیا سے بات چیت کر تے ہوئے انہوں نے سپر یم کورٹ کے چیف جسٹس کے سینٹ سے خطاب کو تاریخی قرار دیتے ہوئے کہا کہ چیف جسٹس کا یہ کہنا کہ اگر جمہوری ادارے ٹھیک طریقے سے کام نہ کریں تو دوسرا ادارہ مداخلت کرتا ہے، درست ہے ہمیں جمہوری اداروں کی مضبوطی کے لئے سب کو مل جل کر اپنا کر دار اداکرنا ہوگا ۔
سینٹ کے چیئرمین نے بھارت میں اقلیتوں پر ڈھائے جانے والے مظالم کو افسوس ناک قرار دیا انہوں نے کہا کہ مغرب کی خاموشی بھی باعث افسوس ہے، رضا ربانی نے کہا کہ اگر بھارت نے پاکستان کے خلاف جارجیت کی تو اسے منہ توڑ جواب دیا جائے گا۔
مزید خبریں :
