ایڈیلیڈ......ایڈیلیڈ میں کرکٹ کی تاریخ کے پہلے ڈے نائٹ ٹیسٹ میںآسٹریلیا نے نیوزی لینڈ کو دلچسپ مقابلے کے بعد 3وکٹوں سے شکست دے کر تین ٹیسٹ کی سیریزدو۔صفر سے جیت لی۔ بولٹ نے دوسری اننگز میں 5وکٹیں حاصل کیں۔

ایڈیلیڈ ،اوول میںکھیلے گئے ٹیسٹ کے تیسرے روز نیوزی لینڈ نے آسٹریلیا کو میچ جیتنے کیلئے 187رنز کا ہدف دیا جو کینگروز نے 7وکٹوں کے نقصان پر حاصل کرلیا۔

شان مارش 49، ڈیوڈوارنر35، ووجیز اور مچل مارش نے 28،28رنز بنائے۔ بولٹ نے5 جبکہ بریسویل اور سینٹنر نے ایک، ایک وکٹ حاصل کی۔

اس سےقبل نیوزی لینڈ نے 116رنز پانچ کھلاڑی آئوٹ پر اپنی دوسری نامکمل اننگز شروع کی لیکن اسکور میں کوئی اضافہ کیے بغیر واٹلنگ 7رنز بناکر آئوٹ ہوگئے۔

کریگ نے 15رنزکی اننگز کھیلی، سینٹنر45رنز بناکر آئوٹ ہوگئے۔بریسویل نے ناقابل شکست 27رنز بنائے۔یوں پوری کیوی ٹیم 208رنز پرڈھیر ہوگئی اور آسٹریلیا کو میچ جیتنے کیلئے 187 رنز کا ہدف ملا۔

ہیزل ووڈ نے تباہ کن بولنگ کرتے ہوئے 6وکٹیںحاصل کیں، جبکہ مارش نے 3اور لایون نے ایک وکٹ حاصل کی۔

آسٹریلیا کی ٹیم پہلی اننگز میں 224رنز بنائے تھے۔پیٹرنیول 66 اور اسٹیون اسمتھ  53رنز کے ساتھ نمایاں کھلاڑی رہے۔ نیوزی لینڈ کی جانب سے بریس ویل نے 3 ، مارک گریک اور ٹرینٹ بولٹ نے 2 , 2 کھلاڑیوں کو آئوٹ کیا۔آخری اسکوریہ رہا، نیوزی لینڈ202اور 208رنز ، آسٹریلیا224اور 187رنز7کھلاڑی آئوٹ۔