04 دسمبر ، 2015 
اپٹما کا پنجاب میں ہفتےمیں ایک روزہ ہڑتال پر غور
04 دسمبر ، 2015
لاہور........آل پاکستان ٹیکسٹائل ملز ایسوسی ایشن نے پنجاب میں ہفتے میں ایک روزہ ہڑتال پر غور کرنے کے لیے ہنگامی اجلاس طلب کر لیا۔اپٹما پنجاب کے ترجمان کے مطابق ہنگامی اجلاس کل اپٹما ہائوس لاہور میں منعقد ہوگا۔ اجلاس میں ٹیکسٹائل صنعت کی طرف حکومت کی عدم توجہی پر غور کیا جائے گا۔
ترجمان کے مطابق ہفتے میں ایک دن کی مجوزہ ہڑتال تب تک جاری رہے گی جب تک حکومت ٹیکسٹائل صنعت کی پیداواری لاگت کم کرنے کے لیے اقدامات نہیں کرتی۔ ترجمان کے مطابق توانائی کی عدم فراہمی کے سبب پیداواری لاگت بڑھ چکی ہے جس کی وجہ سے ٹیکسٹائل صنعت کے مزدوروں کی نوکریوں کا نقصان ہو رہا ہے۔
ترجمان کے مطابق وزیراعظم نواز شریف نے گیارہ ستمبر کو ٹیکسٹائل صنعت کے نمایندوں سے بات چیت میں ایک جامع ٹیکسٹائل پیکیج کی یقین دہانی کرائی تھی مگر اس کا اعلان اب تک نہیں کیا گیا۔
مزید خبریں :
بجٹ میں صنعتوں کے فروغ کیلئے بھاری فنڈز رکھنےکا فیصلہ
06 جون ، 2025
سونے کی فی تولہ قیمت میں ہزاروں روپے کا اضافہ
05 جون ، 2025
