14 دسمبر ، 2015 
سانحہ پشاور کے اصل حقائق سامنے نہیں لائے جا سکے، اسفندیار
14 دسمبر ، 2015
پشاور ......عوامی نیشنل پارٹی کے سربراہ اسفند یار ولی خان نے کہا ہے کہ ایک سال بعد بھی سانحہ آرمی پبلک اسکول کے اصل حقائق سامنے نہیں لائے جا سکے اور نہ ہی نیشنل ایکشن پلان کی نگرانی کے لیے پارلیمانی کمیٹی بن سکی۔
سربراہ اے این پی اسفند یار ولی خان نے شہداء آرمی پبلک اسکول پشاور کی پہلی برسی کی مناسبت سے جاری بیان میں کہا ہے کہ ایک سال گزر گیا لیکن اب تک عدالتی تحقیقات ہوئیں اور نہ ہی سانحہ اے پی ایس پر پارلیمنٹ اور عوام کو اعتماد میں لیا جا رہا ہے۔
اسفند یار ولی نے گزشتہ روز کے پارہ چنار بم دھماکے نے ثابت کر دیا ہے کہ دہشت گردوں کی فیکٹریاں ابھی تک پیداوار میں مصروف ہے،جس کی بنیادی وجہ نیشنل ایکشن پلان پر عمل درآمد کا فقدان ہے۔
سربراہ اے این پی اسفند یار ولی نے شہدائے اے پی ایس کے لواحقین سے تعزیت اور یکجہتی کا اظہار بھی کیا ہے اور کہا ہے کہ قوم ننھے شہداء کی قربانیوں کو تاقیامت فراموش نہیں کرے گی۔
مزید خبریں :
کراچی اور اورماڑہ میں زلزلے کے جھٹکے محسوس کیے گئے
1 گھنٹے پہلے
