پاکستان
18 دسمبر ، 2015
18 دسمبر ، 2015 
رینجرزسے متعلق قراردادکی روشنی میں سمری تیار کرلی گئی
18 دسمبر ، 2015
کراچی.......رینجرز سے متعلق قرارداد کی روشنی میں سمری تیار کرلی گئی ہے ۔ رینجرز کے خصوصی اختیارات میں توسیع کی مدت میں کمی کیے جانے کا امکان ہے ۔
ذرائع محکمہ داخلہ کے مطابق سندھ حکومت کی سمری میں وفاقی حکومت کو رینجرز کی سندھ میں جولائی 2015ء سے تعیناتی کی توثیق سے آگاہ کیا جائے گا ۔
رینجرز کا سندھ میں آرٹیکل147 کے تحت مشروط اختیارات کے ساتھ قیام ہوگا۔ انسداد دہشت گردی کے قانون کے تحت اختیارات اور قرارداد کی شرائط رینجرز پر لاگو ہوں گی ۔
ذرائع نے بتایا کہ وزیراعلیٰ کی منظوری کے بعد وزارت داخلہ سے رینجرز کو انسداد دہشت گردی کے قانون کے تحت خصوصی اختیارات دینے کی سفارش کی جائے گی ۔
