10 جنوری ، 2016 
سعودی عرب:داعش میں شامل اماراتی باشندے کو سزائے موت
10 جنوری ، 2016
ریاض ........سعودی عرب کی سیکیورٹی سے متعلق مقدمات نمٹانے والی عدالت نے شدت پسند تنظیم ”داعش“ میں شامل ہونے کی پاداش میں ایک جنگجو کو سزائے موت اور اس کے2 ساتھیوں کو سات سات سال قید کی سزائوں کا حکم دےدیا۔
عدالت نے داعش میں شمولیت کی کوشش کرنے والے ایک شخص کو تین سال قید کی بھی سزا سنائی۔ غیر ملکی میڈیا کے مطابق سپریم کورٹ نے ایک عرب ملک سے تعلق رکھنے والے محمد العونی نامی شہری کو داعش کی حمایت کی پاداش میں تین سال قید اور 50 ہزار درہم جرمانہ کی سزا کا حکم دیا ہے۔
ایک ایشیائی باشندے منار جودی عباس کو اپنے ملک کے لیے جاسوسی کے الزام میں پانچ سال قید کے بعد ملک بدری کی سزا سنائی گئی۔عدالت نے المنارہ نامی ایک شدت پسند تنظیم کے قیام کی پاداش میں 39 اماراتیوں سمیت 41 ملزمان کا فیصلہ چھ مارچ تک ملتوی کر دیا ہے۔
مزید خبریں :
کینیڈا کا نیا وزیراعظم کون ہوگا؟
10 گھنٹے پہلے
