30 مئی ، 2012 
گھوٹکی: پولیس اہلکاروں کی لڑائی پر جرگہ، سب انسپکٹر پر 50 ہزار روپے جرمانہ
30 مئی ، 2012
گھوٹکی … گھوٹکی کے قریب ڈہرکی میں سب انسپکٹر اور پولیس اہلکار کی لڑائی کا مقامی سردار کی سر پنچی میں جرگہ منعقد کیا گیا اور سب انسپکٹر پر 50 ہزار روپے جرمانہ عائد کیا گیا ہے۔ پولیس ذرائع کے مطابق پولیس اسٹیشن اوباڑو میں ڈیوٹی کے تنازعہ پر سب انسپکٹر یار محمد نے سریا مار کر نائب محرر پولیس اہلکار جمال شر کا دانت توڑ دیا تھا، شدید زخمی پولیس اہلکار نے میڈیکل لیٹر حاصل کر کے مقدمہ درج کرانے کی کوشش کی مگر ڈی ایس پی اوباڑو نیاز چانڈیو کی مداخلت کے باعث مقدمہ درج نہیں ہوسکا۔ پولیس اہلکار نے مایوس ہوکر مقامی سردار کو فریاد کی جس کے بعد ڈہرکی کے مقامی سردار کی سرپنچی میں جرگہ منعقد کیا گیا اور پہلے سب انسپکٹر پر 50 ہزار روپے جرمانہ عائد کیا گیا جس کے بعد 10 ہزار روپے رعایت کرتے ہوئے جرمانہ 40 ہزار روپے کردیا گیا۔
مزید خبریں :
کراچی میں آج اور کل گرج چمک کے ساتھ بارش کا امکان
8 گھنٹے پہلے
سندھ میں آج آندھی اور گرج چمک کے ساتھ بارش کی پیشگوئی
11 گھنٹے پہلے
