پاکستان
14 جنوری ، 2016
14 جنوری ، 2016 
سینیٹ نے ایتھکس کمیٹی کےقواعد وضوابط کی منظوری دے دی
14 جنوری ، 2016
اسلام آباد......... سینیٹ نے ایتھکس کمیٹی کےقواعد وضوابط کی منظوری دے دی۔ قواعد کے مطابق میڈیا پرآنے والی خبروں کو بطورثبوت نہیں لیاجائےگا، شکایت کے ساتھ ٹھوس شواہد بھی دینا لازمی ہوں گے۔
ایتھکس کمیٹی کےقواعد وضوابط کے متن میں لکھا ہے کہ کسی سینیٹرنے ضابطہ اخلاق کی خلاف ورزی کی توکوئی بھی شہری شکایت کرسکے گا، چیرمین سینیٹ ممبر کو بلاکر پوچھ گچھ کرسکتے ہیں، اگرممبر معذرت کرے توکمیٹی مسئلہ حل کرنےکے اقدامات کرے گی۔
ایتھکس کمیٹی کےقواعد کے مطابق رپورٹ ایوان میں پیش کی جائے،ایوان متعلقہ ممبرپرپابندی لگاسکتاہے، ایوان کا فیصلہ حتمی ہوگا جس کے خلاف کوئی اپیل نہیں ہوگی، کمیٹی عدالت میں زیرسماعت کوئی کیس زیرغورنہیں لائے گی۔
