25 جنوری ، 2016 
کامیڈی فلم"پرائڈ اینڈ پریجوڈس اینڈ زومبیز"کا ٹریلر جاری
25 جنوری ، 2016
لاس اینجلس......خوف اور دہشت سے بھرپور نئی برٹش امریکن ہارر کامیڈی فلم"پرائڈ اینڈ پریجوڈس اینڈ زومبیز"کا ٹریلر جاری کر دیا گیا۔
ہالی وڈ کی خوف اور دہشت سے بھرپور نئی ہاررکامیڈی فلم"پرائڈ اینڈ پریجوڈس اینڈ زومبیز"کا ٹریلرریلیز کر دیا گیا ہے۔ہدایتکاربیر اسٹیئرز کی اس سنسنی خیز فلم کی کہانی زومبیزکے خاتمے کیلئے سرگرم ایسی ٹیم کے گرد گھوم رہی ہے جو خوفزدہ ہوئے بغیر انتہائی بہادری سے دشمن کا قلع قمع کرتی دِکھائی دے رہی ہے۔
برائن اولیور، نٹالی پورٹمین اور ٹیلر تھامپسن کی مشترکہ پروڈکشن میں بننے والی اس فلم کی کاسٹ میں ہالی وڈ اداکارللِی جیمز، سیم ریلے، جیک ہوسٹن ،بیلا ہیٹکوٹ،ڈوگلز بوٹ،چارلس ڈینس، میٹ اسمتھ اور لینا ہیڈی شامل ہیں۔ایکشن اور تھرل سے بھرپور مناظر پر مبنی یہ ہارر کامیڈی فلم لائنز گیٹ کے تحت رواں سال 5فروری کو امریکااور12فروری کو برطانوی سنیما گھروں کی زینت بنائی جائیگی۔
