پاکستان
04 جون ، 2012
04 جون ، 2012 
کراچی:الکرم اسکوائر پر بجلی کی عدم فراہمی پر دوبارہ احتجاج، ٹرک نذر آتش
04 جون ، 2012
کراچی … کراچی کے علاقے الکرم اسکوائر کے قریب بجلی کی عدم فراہمی پر احتجاج کا سلسلہ دوبارہ شروع ہوگیا، مشتعل مظاہرین نے لیاقت آباد فلائی اوور پر ایک ٹرک کو آگ لگادی، جبکہ ٹائر جلا کر روڈ بھی بلاک کردیا گیا جس کے باعث ٹریفک کی روانی بھی متاثر ہے۔ کئی روز سے بجلی کی عدم فراہمی کے خلاف الکرم اسکوائر کے مکینوں نے ایک بار پھر احتجاج شروع کردیا ہے اور مشتعل مظاہرین نے لیاقت آباد فلائی اوور پر سامان سے لدے ایک ٹرک کو آگ لگادی۔ مظاہرین نے ٹائر جلا کر لیاقت آباد، کریم آباد روڈ بلاک کردیا جس کے باعث ٹریفک کی روانی بھی شدید متاثر ہے۔جبکہ کے ای ایس سی کا موٴقف ہے کہ جب تک واجبات ادا نہیں کئے جاتے بجلی بحال نہیں کی جائے گی۔
مزید خبریں :
