06 جون ، 2012 
عامر خان کا ڈاکٹروں کی بدعنوانیوں کو موضوع بنانے پر معذرت سے انکار
06 جون ، 2012
ممبئی … بھارتی سپر اسٹار عامر خان نے اپنے ٹی وی شو پر ڈاکٹروں کی بدعنوانیوں کو موضوع بنانے پر معافی مانگنے سے انکار کر دیا ہے۔ بالی ووڈ ایکٹر عامر خان کے پہلا ٹی وی شو ستیا میو جئے تے کا موضوع بھارتیوں کو درپیش دیگر مسائل ہیں، اور وہ ہر ہفتے ایک الگ مسئلے کو شو میں پیش کرتے ہیں۔ستیا میو جئے تے کی چوتھی قسط میں انہوں نے ڈاکٹروں کی بدعنوانیوں کو موضوع بنایا تھا ،جس کے بعدبھارت میں ڈاکٹروں کی تنظیموں نے انہیں تنقید کا نشانہ بنایا اور معافی طلب کی ہے۔ ان تنظیموں کا کہنا ہے کہ اس شو کے ذریعے ان کے پیشے کی توہین کی گئی ہے اور عامر خان کو اس سلسلے میں معافی مانگنی چاہئے۔ تاہم عامر خان نے ایسا کرنے سے انکار کرتے ہوئے کہا ہے کہ وہ معافی مانگنے کا کوئی ارادہ نہیں رکھتے کیونکہ ڈاکٹری کے پیشے کی توہین انہوں نے نہیں بلکہ غلط کام کرنے والے ڈاکٹروں نے کی ہے۔
مزید خبریں :
شوہر کو شادی سے پہلے کے سارے افیئرز کا علم ہے: روبی انعم
11 جون ، 2025
سلیم نے شادی کیلئے کئی سال تک منایا: ماہرہ کا انکشاف
11 جون ، 2025
