07 جون ، 2012 
کراچی: فائرنگ سے مزید 2افراد ہلاک، ایک ڈکیت بھی مارا گیا
07 جون ، 2012
کراچی…افضل ندیم ڈوگر…شریف آباد تھانے کی حدود ،لیاقت آباد میں زینت اسکوائر ،مسجدوسطیٰ کے قریب کالعدم تنظیم کے کارکن محمد شعیب کو نامعلوم افراد نے فائرنگ کرکے ہلاک کردیا، فائرنگ سے 2افراد زخمی بھی ہوئے ہیں، جو لیتھ مشین کا کاریگر اور اسی علاقے کا رہائشی تھا۔ پولیس نے مقتول کی لاش عباسی شہید اسپتال منتقل کر دی ہے۔علاوہ ازیں کھارادر تھانے کی حدود بولٹن مارکیٹ میں واقع شاہ عالم مارکیٹ میں موٹرسائیکل سواروں نے فائرنگ کرکے کپڑے کے تاجر شمس کو ہلاک کردیاہوگیا، جبکہ قریبی بینک کے باہر تعینات پولیس اہلکار بھی ملزمان کی فائرنگ سے زخمی ہوا ہے،دوسری جانب سرسید ٹاوٴن میں دودھ کی دکان پر ڈکیتی کے دوران گارڈ کی فائرنگ سے ایک ملزم ہلاک ہوگیا، عینی شاہدین کے مطابق دو ملزمان ڈکیتی کی نیت سے دودھ کی دکان میں داخل ہوئے جن پر گارڈ نے فائرنگ کردی جس سے ایک ملزم موقع پر ہی ہلاک ہوگیا جبکہ دوسرا فرار ہوگیا۔اسی واقعے کے متعلق پولیس کا کہنا ہے کہ اس نے مقابلے میں ایک ملزم کو ہلاک کردیا جبکہ دوسرا فرار ہونے میں کامیاب ہوگیا۔
