12 مارچ ، 2016 
اسکولوں کی کارکردگی: اسلام آباد کا پہلا، پنجاب کا تیسرا نمبر
12 مارچ ، 2016
لاہور…اسکولوں کی تعلیمی اور تدریسی کارکردگی کے لحاظ سےپاکستان میں اسلام آباد پہلے نمبر پر آ گیا ،دوسرا نمبر آزاد کشمیر کا رہا جبکہ صوبہ پنجاب تیسرے نمبر پر چلا گیا ۔
ایک غیر سرکاری تنظیم کی طرف سے پاکستان میں تعلیمی درجہ بندی کے حوالے سے جاری کردہ رپورٹ میں انکشاف کیا گیا ہے کہ 2015ء میں اسلام آباد کے اسکولوں کی تعلیمی کارکردگی مسلسل تیسرے سال بھی ملک کے دیگر علاقوں اور صوبوں سے بہتر رہی ہے۔
2014 میں صوبہ پنجاب دوسرے درجہ پر تھاتاہم 2015ءمیں کارکردگی میں 3اعشاریہ 38 فیصد کمی سے ا ب پنجاب تیسرے نمبر پر آگیا ہے، چوتھا نمبر گلگت بلتستان کا قرار دیا گیا ہے۔
پنجاب کے اسکولوں میں داخلوں کی شرح 79.67 فیصد،سیکھنے کا معیار 59.06 فیصدجبکہ تعلیمی اسکور 16.30 فیصد رہا۔پنجاب کا اسکولز کے انفرااسٹرکچر کا معیار سب سے بہتر قرار دیا گیا ہے۔
مزید خبریں :
