12 مارچ ، 2016 
نام نہاد مہذب ممالک کشمیروفلسطین کا مسئلہ حل نہ کرسکے،خواجہ آصف
12 مارچ ، 2016
سیالکوٹ .......وزير دفاع خواجہ آصف نے کہا ہے کہ نام نہاد مہذب ممالک کشمیر اورفلسطین کا مسئلہ تو حل کر نہیں سکے بلکہ عراق، شام اورلیبیا کے مسائل مزید بڑھا دیئے ہیں ۔
سيالکوٹ ڈسٹرکٹ بار میں وکلا سے خطاب کرتے ہوئے خواجہ آصف نے کہا کہ آج جو امن ناردرن ایریا میں ہے یا کراچی کی جوروشنیاں بحال ہوئی ہیں اس میں پاک فوج کی بے مثال قربانیاں شامل ہیں۔ ان کا کہنا تھا کہ پاک چین اقتصادی راہ داری کا منصوبہ مکمل ہونے کے بعد پاکستان ایک نئی معاشی قوت بن کر سامنے آئے گا۔ جبکہ بیرونی طاقتیں اس منصوبے میں رکاوٹیں بن رہی ہیں۔
پوری مسلم امہ میں پاکستان واحد ملک ہے جوایٹمی قوت ہے اور کوئی بھی طاقت ہمارے دفاع میں دراڑ پیدا نہیںکرسکتی کيونکہ پاک فوج کا پوری دنیا میں کوئی مقابلہ نہیں۔
مزید خبریں :
