کھیل
09 جون ، 2012
09 جون ، 2012 
روس کی ماریا شرا پووا نے فرنچ اوپن ٹینس کا ویمنز سنگل ٹائٹل جیت لیا
09 جون ، 2012
پیرس … روس کی ماریا شرا پووا نے فرنچ اوپن ٹینس چیمپئن شپ کا ویمنز سنگل ٹائٹل جیت لیا، فائنل میں اٹلی کی سارا ایرانی کو اسٹریٹ سیٹس میں شکست کا سامنا کرنا پڑا۔ رولینڈ گیروس میں جاری سال کے دوسرے گرینڈ سلیم ٹورنامنٹ فرنچ اوپن ٹینس میں روس کی ماریا شرا پووا نے اٹلی کی سارا ایرانی کو اسٹریٹ سیٹس میں باآسانی شکست دے کر ویمنز سنگل کا ٹائٹل اپنے نام کرلیا، یہ ان کا چوتھا گرینڈ سلیم ٹائٹل ہے۔ میچ میں ماریا شرا پووا کی فتح کا اسکور 6-3 اور 6-2 رہا۔ اٹلی کی نو آموز سارا ایرانی نے ٹورنامنٹ میں شاندار کارکردگی کا مظاہرہ کیا اور اپنے سے سینئر اور تجربہ کار کھلاڑیوں آسٹریلیا کی سمانتھا اسٹوسر اور روس کی سویٹلانہ کزنٹسووا کو شکست دے کر فائنل تک رسائی حاصل کی تھی۔
