06 جون ، 2016 
کراچی: رمضان المبارک کیلئے ٹریفک پلان تیار
06 جون ، 2016
رمضان المبارک میں کراچی کے شہریوں کو ٹریفک جام سے بچانے کے لیے ٹریفک پلان تیارکرلیا گیا ہے،شہری لیاری ایکسپریس وے سے واپس گھروں کو بھی جاسکیں گے۔
لیاری ایکسپریس وے استعمال کرنے والے شہری صبح دفاتر آنے اور بعد میں جانے کے لیے بھی یہ روٹ استعمال کر سکیں گے، ٹریفک کے رش کا مرحلہ سرکاری دفاتر کی چھٹی ہونے پر دوپہر دو بجے شروع ہوگا۔
ٹریفک پولیس پلان کے مطابق دوپہر دو بجے سے دفاتر، صنعتی ایریا اور بندرگاہ سے واپس جانےوالے لیاری ایکسپریس وے کا یہی روٹ استعمال کرسکیں گے،یعنی عوامی مفاد میں ماری پور سے سہراب گوٹھ تک ٹریفک مخالف سمت میں چلایا جائے گا۔
رمضان کے لئے شہر 1300 مزید اہلکار رمضان کی ڈیوٹی سرانجام دیں گے جبکہ 600 سٹی وارڈن اور اسکاؤٹس بھی ٹریفک کنٹرول کریں گے۔
رش کے اوقات میں 189 پوائنٹس پر 474 ٹریفک پولیس اہلکار تعینات ہوں گے۔ اس سلسلے میں ٹریفک اہلکاروں کی تمام چھٹیاں منسوخ کردی گئی ہیں۔
مزید خبریں :
امریکا میں سفارتکاری: بلاول بمقابلہ بینظیر بھٹو
5 گھنٹے پہلے
گوادر میں زلزلے کے جھٹکے، شدت 3 ریکارڈ
10 گھنٹے پہلے
کراچی اور اورماڑہ میں زلزلے کے جھٹکے محسوس کیے گئے
11 گھنٹے پہلے
