12 جون ، 2016 
یہ وقت حقائق سے پردہ اٹھانے کا ہے، وزیراعلیٰ پنجاب
12 جون ، 2016
وزیر اعلیٰ پنجاب شہباز شریف کا کہنا ہے کہ یہ وقت خالی نعروں میں ضائع کرنے کا نہیں بلکہ حقائق سے پردہ اٹھانے کا ہے، قوم کو بتائیں کہ کس کا سارا کچھ کرپشن میں ڈوبا ہوا ہے اور کس نے سوئٹزرلینڈ میں 60 ملین ڈالرز رکھے ہوئے ہیں۔
ایوان وزیراعلیٰلاہور میں چائلڈ لیبرکے حوالے سے منعقدہ تقریب سے خطاب میں شہباز شریف نے کہا کہ وہ دن دور نہیں جب پنجاب سے چائلڈ لیبر کا مکمل خاتمہ ہوجائے گا، چائلڈ لیبر کے خاتمے کا قانون بن چکا ہے جو اس پر عمل نہیں کرے گا اس کے خلاف سخت کارروائی ہو گی۔
وزیراعلیٰ نے بتایا کہ اگلے مرحلے میں گیس اسٹیشنز، چھوٹے ہوٹلوں اور ورکشاپوں پر چائلڈ لیبر کا خاتمہ ہو گا، آئندہ بجٹ میں پبلک سکولوں میں چھٹی جماعت سے بچیوں کو ماہانہ ایک ہزار روپے وظیفہ دیں گے، اس اقدام کا مقصد سکولوں میں لڑکیوں کی تعداد بڑھانا ہے۔
مزید خبریں :
