05 جولائی ، 2016 
شہادتیں موصول ہونے کی بات غلط ہے، مفتی منیب الرحمان
05 جولائی ، 2016
مرکزی رویت ہلال کمیٹی کے چیئرمین مفتی منیب الرحمان رویت ہلال کمیٹی کے اجلاس کے موقع پر میڈیا سے گفتگو کے دوران برہم ہوگئے،انکا کہنا تھا کہ ملک سے دو، تین، چار شہادتیں موصول ہونے کی بات غلط ہے۔ یہاں پر ہرشخص چیئرمین بنا ہوا ہے۔شہادتیں موصول ہونے کی بات بالکل غلط ہے۔
مفتی منیب الرحمان نے میڈیا سے اپیل کرتے ہوئے کہا کہ کروڑوں مسلمانوں کی عبادت اور روزے کا مسئلہ ہے، ہمارے پاس ایسی کوئی اطلاع نہیں، قوم پر رحم کریں۔ اس موقع پر انھوں نے وہاں موجود ایک شخص کا ٹیلی فون سیٹ لیکر اسے منقطع کردیا۔مفتی منیب کے ساتھ موجود قاری حنیف جالندھری کا کہنا کہ قوم میں انتشار پیدا نہ کریں۔
مفتی منیب کا کہنا تھا کہ بعض چینل شہادتیں موصول ہونے کی جھوٹی خبر چلا رہے ہیں، جھوٹ اور غلط بیانی کے ذریعے مسلمانوں کو مضطرب، پریشان کرنا درست نہیں، جب کوئی قطعی فیصلہ ہوجائے گا، تو اعلان کریں گے۔
مزید خبریں :
