پاکستان
30 جنوری ، 2012
30 جنوری ، 2012 
کراچی :انچولی میں نامعلوم افراد کی فائرنگ ، نوجوان جاں بحق
30 جنوری ، 2012
کراچی… کراچی کے علاقے انچولی میں واقع امام بارگاہ کے قریب نامعلوم افراد کی فائرنگ سے25سالہ نوجوان جاں بحق ہوگیا جس کے بعد علاقے میں کشیدگی ہوگئی۔ فیڈرل بی ایریا بلاک 20 میں بس اسٹاپ پر کھڑے ایک نواجوان پر نامعلوم موٹر سائیکل سوارنے فائرنگ کردی جس کے نتیجے میں 25 سالہ نوجوان جاں بحق ہوگیا۔ جاں بحق ہونے والے کی شناخت تاثیر عباس کے نام سے ہوئی ہے۔ مقتول ایک فوڈ سینٹر میں مینجر تھا اور صبح کے وقت اپنے کام کے لئے گھر سے نکلا تھا۔ مقتول تاثیر عباس اور دو روز قبل نامعلوم افراد کی فائرنگ سے جاں بحق ہونے والے ڈاکٹر محسن جعفری کی نماز جنازہ بعد نماز ظہرین انچولی امام بارگاہ میں ادا کی جائے گی۔ جبکہ تدفین وادی حسین میں ہوگی۔
