13 جولائی ، 2016 
مسئلہ کشمیر کا حل یواین کی قراردادوں پر عمل ہے،وزیراعظم
13 جولائی ، 2016
وزیر اعظم محمد نواز شریف کاکہناہےکہ مسئلہ کشمیر کا واحد حل اقوام متحدہ کی قراردادوں پر عملدرآمد ہے، بربریت اور انسانی حقوق کی پامالی سے مقبوضہ کشمیر کے عوام کی آواز دبائی نہیں جا سکتی۔
قومی اسمبلی میں کشمیر کمیٹی کے چیئرمین مولانافضل الرحمان اور اکرم خان درانی نے جاتی عمرہ رائے ونڈ میں وزیراعظم نواز شریف سے ملاقات کی۔مولانا فضل الرحمان نے مقبوضہ کشمیر میں بھارتی مظالم پر وزیراعظم کوبریفنگ دی۔
وزیراعظم کا کہنا تھاکہ حکومت اورعوام کشمیری بھائیوں کے جذبات کی قدر کرتے ہیں، ہر فورم پر کشمیرکاز کی مدد جاری رکھیں گے۔
مولانافضل الرحمان کاکہناتھا کہ بھارتی فوج کے مقبوضہ کشمیر میں مظالم کےخلاف بھر پور آواز بلندکرنےکافیصلہ کیاگیا ہے۔ ملاقات کے موقع پر وزیرِداخلہ چوہدری نثار اوروزیراعلیٰ شہباز شریف بھی موجود تھے۔
