01 اگست ، 2016 
امن بات چیت بین الاقوامی نگرانی میں ہونی چاہیے: فلسطینی صدر
01 اگست ، 2016
فلسطینی صدر محمود عباس نے کہا ہے کہ اسرائیل کے ساتھ امن بات چیت کی بحالی کی کوئی بھی کوشش ایک محدود نظام الاوقات کے اندر رہتے ہوئے اور بین الاقوامی نگرانی میں کیا جانا چاہیے۔
صدر محمود عباس نے پیرس میں امریکی وزیر خارجہ جان کیری کے ساتھ ملاقات میں کہا کہ فلسطینی قیادت کو اب یہ امید بہت کم ہے کہ اس کی اسرائیلی حکومتی نمائندوں کے ساتھ کوئی بھی آئندہ بات چیت، جس کے لیے وقت کی کوئی میعاد مقرر نہ ہو اور جس کی بین الاقوامی نگرانی بھی نہ کی جا رہی ہو، خطے میں قیام امن میں معاون اور بہت نتیجہ خیز ثابت ہو سکتی ہے۔
عباس اور کیری کی ملاقات سے قبل فلسطینی صدر نے فرانسیسی وزیر خارجہ ژاں مارک اَیرو سے بھی ملاقات کی، جس میں جلد از جلد فلسطینی اسرائیلی تنازع کے دو ریاستی حل تک پہنچنے کے امکانات پر بات چیت کی گئی۔
مزید خبریں :
