کراچی… کراچی کے دو مختلف علاقوں میں کار پر فائرنگ کے واقعات میں 2 خواتین سمیت7 افراد ہلا ک ہوگئے۔ایس پی کلفٹن کے مطابق رات گئے گزری پل پر فائرنگ سے 2خواتین سمیت3 افرادجاں بحق ہوگئے۔پولیس کے مطابق گزری پل پر نا معلوم افراد نے کالے رنگ کی کار پر فائرنگ کردی جس کے نتیجے بلوچستان اسمبلی کے رکن اسمبلی صاحبزاد ہ بختیار کی اہلیہ ،بیٹی اور ڈرائیور جاں بحق گئے۔ذرائع کے مطابق گاڑی پر ایم پی اے بلوچستان کی پلیٹ لگی ہوئی ہے۔گاڑی کا نمبرANR353 ہے۔لاشوں کو گاڑی سے نکال کر اسپتال منتقل کردیا گیاہے۔اس سے قبل نیو کراچی سیکٹر فائیو ایل میں پیر بچت بازار کے قریب مسلح موٹرسائیکل سوار ملزمان نے ایک جیپ پر فائرنگ کردی جسکے نتیجے میں جیپ میں سوار تین افرادشدید ذخمی ہوگئے ،جو اسپتال منتقل کرنے کے دوران ہی دم توڑ گئے۔مقتولین کی شناخت عدنان ،عادل اور عرفان کے نام سے ہوئی جنکی عمر 20 سے 25 سال کے درمیان تھی۔ایم کیو ایم کے رہنما خواجہ اظہار الحسن کے مطابق مقتولین ایم کیو ایم کے ہمدرد تھے۔اس سے قبل پیر کی صبح ایف بی ایریاہی کے بلاک20میں نامعلوم افراد نے فائرنگ کرکے تشہیر عباس کو قتل کردیا دو روز پہلے ڈاکٹر محسن جعفر کو بھی فائرنگ کرکے جاں بحق کیا گیا۔