20 جون ، 2012 
ایرانی ایٹمی پروگرام کی کمپیوٹر وائرس سے جاسوسی
20 جون ، 2012
واشنگٹن ... ایک امریکی اخبار نے انکشاف کیا ہے کہ امریکا اور اسرائیل ایران کے ایٹمی پروگرام میں خلل ڈالنے کے لیے کمپیوٹر وائرس استعمال کررہے ہیں واشنگٹن پوسٹ کی رپورٹ کے مطابق امریکی سی آئی اے ،نیشنل سیکیورٹی ایجنسی اور اسرائیل کی فوج ایک کمپیوٹر وائرس کے ذریعے ایران کے ایٹمی پروگرام کی جاسوسی کر رہے ہیں،فلیم نامی اس کمپیوٹر وائرس کے ذریعے حاصل ہونے والی معلومات کو ایران کے جوہری پروگرام کو سست کرنے کے لیے استعمال کیا جا رہا ہے۔اس کے علاوہStuxnet نامی ایک اور کمپیوٹر وائرس کے ذریعے ایران کی یورینیم افزودگی پلانٹ کے کمپیوٹر سسٹم پر حملے بھی کیے جارہے ہیں۔امریکی حکام نے ان خبروں پر کسی قسم کا تبصرہ کرنے سے انکار کیا ہے تاہم نیشنل سیکیورٹی کے کچھ موجودہ اور سابق اہلکاروں نے یہ تسلیم کیا ہے کہ “فلیم ”وائرس کی تخلیق میں امریکا نے کردار ادا کیا ہے۔
