پاکستان
31 جنوری ، 2012
31 جنوری ، 2012 
کراچی:مختلف علاقوں میں سرچ آپریشن،متعدد افراد زیرحراست، اسلحہ برآمد
31 جنوری ، 2012
کراچی…کراچی کے مختلف علاقوں میں پولیس کے سرچ آپریشن کے دوران متعدد افراد کو حراست میں لے کر اسلحہ برآمد کرلیا گیا ہے۔ پولیس کے مطابق اورنگی ٹاون کے علاقے قصبہ کالونی، بخاری کالونی، مجاہد کالونی، علی گڑھ کالونی سمیت رنچھوڑ لائن، گلشن اقبال میں قائداعظم کالونی اور ملیر کے مختلف علاقوں میں سرچ آپریشن کیا گیا۔ پولیس نے علاقے کے داخلی اور خارجی راستوں کو بند کرکے گھر گھر تلاشی کے دوران متعدد افراد کو حراست میں لے لیا جن سے تفتیش کی جارہی ہے۔ آپریشن کے دوران پولیس کی بھاری نفری نے حصہ لیا اس موقع پر بکتر بند گاڑیاں بھی موجود تھیں۔ پولیس حکام کے مطابق سرچ آپریشن ایک ہفتے کے دوران ہونے والے ہلاکتوں کے واقعات کے بعد کیا جا رہا ہے۔
