31 اکتوبر ، 2016 
لاپتا افراد کیس، عدالت کا پولیس رپورٹ پر اظہار عدم اطمینان
31 اکتوبر ، 2016
سندھ ہائیکورٹ نے لاپتا افراد کی بازیابی سے متعلق کیس میں پولیس رپورٹ پرعدم اطمینان کا اظہار کرتے ہوئے آئی جی سندھ، محکمہ داخلہ، ڈی جی رینجرز ،یگر فریقین کو 2 دسمبر تک جواب جمع کرانے کا حکم دے دیا۔
بیس سے زائد لاپتا افراد کی بازیابی سے متعلق درخواست کی سماعت سندھ ہائیکورٹ میں ہوئی۔ دوران سماعت عدالت نے پولیس کی جانب سے پیش کی گئی رپورٹ میں عدم اطمینان اور 5سال سے لاپتا شہری رمضان کی عدم بازیابی پر برہمی کا اظہار کیا۔
عدالت نے ایس ایس پی گلشن اقبال کو 24 نومبر کو خود پیش ہونے کا حکم دے دیا۔دیگر شہریوں کی بازیابی سے متعلق دائر درخواستوں کی سماعت کرتے ہوئے عدالت نے آئی جی سندھ، محکمہ داخلہ، ڈی جی رینجرز اوردیگر فریقین کو 2 دسمبر تک جواب جمع کرانے کا حکم دے دیا۔
