لندن…متحدہ قومی موومنٹ کے قائد الطاف حسین نے کہا ہے کہ24 جون کو جناح گراؤنڈ میں ہونے والا پختونوں کاجلسہ ملک بھر کے عوام خصوصاً پختونوں کیلئے تاریخی اور اہم سنگ میل ثابت ہوگا اور پختونوں سمیت تمام قومیتوں میں بھائی چارے اور محبت کے پیغام کو عام کر ے گا ۔یہ بات انہوں نے خورشید بیگم ہال عزیز آباد میں رابطہ کمیٹی اور پختون ساتھیوں سے گفتگو کر تے ہوئے کہی ۔ الطاف حسین نے جلسہ عام کی تیاریوں میں مصروف تما م تحریکی کارکنوں سے کہا کہ جو جو ساتھی تحریک اور تنظیم کیلئے کام کر رہے ہیں میں ان کے لئے دعا کرتا ہوں کہ اللہ تعالیٰ ان کے عقل ،شعور اور جذبے میں اضافہ کرے اور انہیں ہمیشہ تنظیمی رشتہ سے مضبوط سے مضبوط بنائے ۔انہوں نے جنا ح گراؤنڈ عزیز میں پختونوں کے تاریخی جلسہ عام کی تیاریوں میں رات دن مصروف صوبائی تنظیمی کمیٹی کے ذمہ داران وارکان، پختون ، ہزاروال ، گلگت بلتستان کے ذمہ داران و کارکنان کو دل کی گہرائیوں سے شاباش اور خراج تحسین پیش کیا ۔ الطاف حسین نے پختون عوام سے اپیل کی کہ وہ 24جون بروز اتوار کو جناح گراؤنڈ میں ہونے والے جلسہ میں زیادہ سے زیادہ اور بھر پور شرکت کر کے اسے تاریخی بنانے میں اپنا اہم کر دار ادا کریں ۔دریں اثناء الطاف حسین #نے ٹیلی وژن کے ممتا ز کمپےئر ، دایب، ماہرلسانیات عبید اللہ بیگ کے انتقال پر گہرے رنج و غم کا اظہار کیا ہے۔ ایک تعزیتی بیان الطاف حسین نے عبید اللہ بیگ مرحوم کے تمام سوگوار لواحقین سے دلی تعزیت و ہمدردی کا اظہار کرتے ہوئے کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں۔انھوں نے دعا کہ اللہ تعالیٰ مرحوم کو اپنی جوارِ رحمت میں اعلیٰ مقام عطا فرمائے اور سوگواران کو یہ صدمہ بر داشت کرنے کا حوصلہ عطا کرے ۔(آمین)۔علاوہ ازیں الطا ف حسین نے ایم کیوایم سانگھڑ زون یونٹ ٹنڈو آدم یوسی 4-Cکے کارکن اعجاز احمدکے انتقال پر گہرے رنج و غم کا اظہار کیا ہے ۔ایک تعزیتی بیان میں الطاف حسین نے مرحوم کے تمام سوگو ار لواحقین سے دلی تعزیت و ہمدردی کا اظہا ر کرتے ہوئے مرحوم کی تحریکی خد مات پر زبردست خراج عقیدت پیش کیا ہے ۔ انہوں نے کہاکہ مر حوم کے انتقال سے مجھ سمیت تحریک کا ایک ایک کارکن غم زدہ ہے ، اللہ تعالیٰ مر حو م کو اپنی جوارِ رحمت میں اعلیٰ مقام عطا فرمائے اور سوگواران کو صبرجمیل عطا کرے ۔(آمین)۔دریں اثناء متحدہ قومی موومنٹ کی رابطہ کمیٹی نے سانگھڑ زون یونٹ ٹنڈو آدم یوسی 4-Cکے کارکن اعجاز احمد ، قصبہ علیگڑھ سیکٹر یونٹ 131کے کارکن یاسین دانش کے حاحبزادے عبد لحنان ،نوابشا ہ زون رند یونٹ کے انچارج فرحا ن علی شیخ کے والد یوسف علی شیخ،دادو زون یونٹ سیال یونٹ کی کمیٹی کے رکن شفیق احمد لاڑک کے والد محمد یعقوب لاڑک ، لانڈھی سیکٹر یونٹ 83کے کارکن محمدفیصل کے والد محمد اسماعیل اور فیڈر ل بی ایریا سیکٹر یونٹ 148کے کارکن عارف الرحمن ے والد سیّد شمیم الر حمن کے انتقال پر افسوس کا اظہار کیا ہے ۔ایک تعزیتی بیان میں رابطہ کمیٹی نے مرحومین کے تمام سوگوار لواحقین سے دلی تعزیت و ہمدردی کا اظہار کرتے ہوئے دعا کی کہ اللہ تعالیٰ مرحومین کو جنت الفردوس میں اعلیٰ مقام عطا فرمائے اور سوگواران کو صبر جمیل عطا کرے ۔(آمین)دریں اثناء ایم کیوایم کی رابطہ کمیٹی نے ٹھٹھہ زون گھارو یونٹ کے کارکن گوپال داس کے بڑے بھائی راجو داس کے انتقال پر بھی دلی تعزیت و ہمدردی کا اظہار کیا ہے۔