31 جنوری ، 2017 
بالی ووڈ فلموں کی نمائش بحال،نوٹیفکیشن جاری
31 جنوری ، 2017
بھارتی فلموں سمیت غیرملکی فلموں کی نمائش بحال کر دی گئی، وفاقی وزارت اطلاعات نے نوٹیفکیشن جاری کر دیا۔
وزارت اطلاعات کی جانب سے غیر ملکی فلموں کی نمائش کی بحالی کا نوٹیفکیشن وزیراعظم سیکریٹریٹ سے منظوری کے بعد جاری کیا گیا۔
نوٹیفکیشن کے مطابق فیصلہ پاکستان فلم انڈسٹری کی بحالی کے اقدام کے طور پر اٹھایا گیا ہے، جس کے تحت غیرملکی فلم کا امپورٹر وزارت اطلاعات کو درخواست بھجوائے کا پابندہوگا، امپورٹرفلم کے نام اور کاسٹ کی تفصیلات درخواست میں لکھے گا۔
وزارت اطلاعات درخواست کی کاپی وزارت کامرس کو این او سی کےلیے بھجوائے گی، امپورٹر کو بھارتی فلم کی دیگر معلومات کے علاوہ سی ڈی بھی فراہم کرنا ہوگی۔
فلم کی نمائش سے قبل امپورٹر کوائف سنسر بورڈ کو فراہم کرنے کا پابند ہوگا، سینما ہاؤسز میں فلم کی نمائش صرف سنسر بورڈ کی منظوری کے بعد ہوسکے گی۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
شاہ رخ نہ سلمان، بھارت میں سب سے مقبول اداکار کون؟ فہرست جاری
21 نومبر ، 2024
