08 فروری ، 2017 
ساڑھے 3 سال نفرت انگیز تقاریر پر گرفتاریاں ہوئیں، خرم دستگیر
08 فروری ، 2017
مسلم لیگ ن کے رہنما خرم دستگیر خان نے کہا ہے کہ ساڑھے 3 سال میں نفرت انگیز تقاریر پر گرفتاریاں ہوئی ہیں، اگست 2016ءتک 15ہزار سے زائد افراد کو گرفتار کیا گیا۔
’جیو نیوز‘ کے پروگرام ’کیپیٹل ٹاک‘ میں گفتگو کے دوران اظہار خیال کرتے ہوئے انہوں نے کہا کہ اگست 2016 تک نفرت انگیزتقاریرپر15 ہزار 259 افراد گرفتارہوئے۔
خرم دستگیرکا کہنا تھا کہ 18 ماہ میں ہونے والی ان گرفتاریاں میں چاروں صوبوں سے لوگ شامل ہیں،نفرت انگیز تقاریر کرنے پر 14 ہزار 869 افراد پرمقدمہ بھی درج ہوا۔
انہوں نے بتایا کہ نفرت انگیز تقاریر کرنے پر چاروں صوبوں سے گرفتاریاں ہوئیں، نفرت انگیز مواد پھیلانے کے الزام میں 6 ہزار دکانداروں کے خلاف کارروائیاں ہوئیں۔
خرم دستگیرکا یہ بھی کہنا تھا کہ حکومت اورریاست کےخلاف مواد پھیلانے والوں کوبھی پکڑا گیا، نفرت انگیز تقاریر کو روکنے کے لیے ہرگلی اورقصبے میں کام کرنا ہے۔
