15 فروری ، 2017 
کراچی بندر گاہ پر ہیروئن اسمگلنگ کی کوشش ناکام
15 فروری ، 2017
ذیشان شاہ...کراچی کی بندر گاہ پر ہیروئن اسمگل کرنے کی کوشش ناکام بنادی گئی، اینٹی نارکوٹکس فورس نے کنٹینر میں چھپائی گئی ہیروئن سمیت کروڑوں روپے مالیت کی منشیات برآمد کرلی۔
اینٹی نارکوٹکس فورس نے خفیہ اطلاع پر کراچی پورٹ پر واقع پاکستان انٹرنیشنل کنٹینرز ٹرمینل پر چھاپا مار کر ایک کنٹینر سے بھاری مقدار میں منشیات برآمد کرکے مقدمہ درج کرلیا ہے۔
برآمد ہونے والی منشیات میں ساڑھے 4 کلو گرام ہیروئن اور سارھے 5 کلو گرام میتھا فیٹامائن برآمد شامل ہیں، منشیات کو مہارت کے ساتھ ٹائلز میں چھپایا گیا تھا جنہیں بیرون ملک اسمگل کیا جانا تھا۔
اے این ایف ذرائع کے مطابق برآمد ہونے والی منشیات کی عالمی منڈی میں قیمت کروڑوں روپے ہے، اسمگلنگ میں ملوث ملزمان کے کی گرفتاری کے لیےملک کے مختلف شہروں میں چھاپا مار کارروائیاں جاری ہیں۔
مزید خبریں :
