02 جولائی ، 2012 
اشیائے خوردو نوش کی قیمتوں میں کمی آنا شروع
02 جولائی ، 2012
کراچی …عوام کے لئے خوشخبری یہ ہے کہ حکومت کی طرف سے پٹرول مصنوعات میں کمی کے بعد اب اشیا ء خوردونوش کی قیمتوں میں کمی آنا شروع ہوگئی ہے۔ آٹا 1روپیہ کمی کے ساتھ 29 روپے جبکہ چائے کی پتی کی قیمت میں 60 روپے فی کلو تک کمی ہوگئی ہے چیئرمین کراچی ہول سیل گروسرز ایسوسی ایشن انیس مجید نے جیو نیوز کو بتایا کہ حکومت کی طرف سے پٹرول مصنوعات کی قیمتوں میں کمی کا اثر آنا شروع ہوگیا ہے۔ کراچی میں ہول سیل کی سطح پر آٹے کی قیمت 1روپے کمی کے بعد 29 روپے فی کلو کی سطح پر آگئی ہے جبکہ 10کلو آٹے کے تھیلے کی قیمت کم ہوکر 290 روپے ہوگئی ہے۔ انیس مجید نے مزید بتایا کہ اگر ٹرانسپورٹ کے کرائے کم ہوگئے تو کھانے پینے کی دیگر اشیا میں بھی کمی دیکھی جاسکے گی۔ دوسری طرف کراچی ریٹیلرز گروسرز گروپ کے جنرل سیکریٹری فرید قریشی نے بتایا کہ ریٹیل سطح پرکھلی چائے کی پتی کی قیمت میں 60 روپے فی کلو کمی کے بعد490 روپے جبکہ برانڈیڈ چائے کی پتی کی قیمت 52 روپے فی کلو کم ہوکر 510 روپے کی سطح پر آگئی ہے۔
مزید خبریں :
پاکستان سے چین کو اونٹنی کے دودھ کے پاؤڈر کی برآمد کا آغاز
28 اپریل ، 2025
ملک میں سونے کی قیمت مزید کم ہوگئی
28 اپریل ، 2025
پاکستان نے چین سے مزید 10 ارب یوان کی درخواست کر دی
27 اپریل ، 2025
9 ماہ میں بجلی کی تقسیم کار کمپنیوں نے 143 ارب روپے کا نقصان کیا
26 اپریل ، 2025
سونے کی قیمت مزید کم ہوگئی
25 اپریل ، 2025
