21 مئی ، 2017 
مطا لبے نہ مانے گئے تو پورا سندھ بند کردیں گے، مصطفیٰ کمال
21 مئی ، 2017
پاک سر زمین پارٹی کے بانی مصطفیٰ کمال کا کہنا ہے کہ سندھ حکومت شارع فیصل بند کرنے سے پریشان ہوگئی تھی ، مطالبات پورے نہ ہوئے تو پورا سندھ بند کردیں گے۔
پی ایس پی میں شامل ہونے والے فنکشنل لیگ کے رہنما نواب راشد کے ساتھ پاکستان ہاؤس میں پریس کانفرنس کرتے ہوئے مصطفی کمال کا کہنا تھاکہ 16 مطالبات سے پیچھے نہیں ہٹیں گے، اب پورا کراچی اور پھر پورا سندھ بند کریں گے۔
انہوں نے مزید کہا کہ حکومت جتنا تاخیر کرے گی اتنی اس کے لیے اتنی مشکلات پیدا ہوں گی۔ ہم کسی کی حکومت گرانے یا اقتدار پر قبضہ کرنے کے لیے نہیں بلکہ اپنے بچوں کے لیے پانی اور دیگر سہولیتں مانگ رہے ہیں۔
پریس کانفرنس میں مسلم لیگ فنکشنل سندھ کے جنرل سیکریٹری نواب راشد علی خان نے پارٹی میں شمولیت کا اعلان کیا ۔ ان کا کہنا تھاکہ 37 سال پیرا پگارا اور ان کے بچوں کے ساتھ تعلق رہا۔
نواب راشد علی خان کا کہنا تھا کہ میں پاک سر زمین پارٹی میں سوچ سمجھ کر شامل ہوا ہوں۔
