بنگلادیش کے جنوب مشرقی علاقے میں شدید بارشوں کے نتیجے میں مختلف مقامات پر مٹی کے تودے گرنے سے ہلاکتوں کی تعداد 60ہو گئی ہےجبکہ متعدد افراد لاپتہ ہیں، جن کی تلاش جاری ہے۔

بنگلادیش میں مون سون بارشوں کا سلسلہ جاری ہے ، جنوب مشرقی علاقے میں کل سے شروع ہونے والی شدید بارشوں کے باعث کئی مقامات پر لینڈ سلائیڈنگ ہوئی ،جس میںاب تک ہلاکتوں کی تعداد60تک جا پہنچی ہے،ایمرجنسی حکام کے مطابق متعدد افرادلاپتہ ہیںاور ہلاکتوں میں اضافے کا خدشہ ہے ۔

بارشوں اور مٹی کے تودےگرنےسے کئی علاقوں سے زمینی اور رابطے کے ذرائع منقطع ہوگئے ہیں، زیادہ تر ہلاکتیں ضلع رنگا متی اور بندربن میں ہوئیں ۔