دنیا
12 جولائی ، 2012
12 جولائی ، 2012 
نائیجیریا میں ٹینکر کو حادثہ، آگ لگنے سے 92 افراد ہلاک
12 جولائی ، 2012
ابوجا … نائیجیریا میں تیل بردار ٹینکر کے حادثے کے بعد تیل چوری کرتے ہوئے آگ بھڑکنے سے 92 افراد ہلاک ہوگئے۔ غیرملکی خبر ایجنسی کے مطابق نائیجر ڈیلٹاکے علاقے اوکوگبے کی روڈ پر ٹینکر کو حادثہ پیش آیا، ٹینکر الٹنے کے بعد ٹینک سے تیل بہنے لگا، بہتے ہوئے تیل کو نزدیکی آبادی سے لوگ چرانے لگے، ان افراد میں مردوں کے علاوہ خواتین اور بچے بھی شامل تھے۔ لوگ تیل چوری کررہے تھے کہ اچانک بہتے تیل میں آگ بھڑک اٹھی، جس کے نتیجے میں 92 افراد ہلاک اور متعدد جھلس کر زخمی ہوگئے، ہلاک ہونے والوں کی لاشوں اور زخمیوں کو اسپتال منتقل کردیا گیا۔ سیکیورٹی فورسز اور امدادی ٹیموں نے علاقے کو گھیرے میں لے لیا ہے، ہلاکتوں میں اضافے کا خدشہ ہے۔
مزید خبریں :
