قید میں بچی کا قتل اور بیوی کا ریپ کیا گیا، جوشوا بوائل

دہشت گردوں سے بازیاب کرائے جانے والے کینیڈین شہری جوشوا بوائل نے کہا ہےکہ قید میں ان کی ایک بچی کو ہلاک کیا گیا جب کہ بیوی کے ساتھ جنسی زیادتی بھی کی گئی۔

رواں ہفتے پاکستانی فوج کی جانب سے بازیاب کرایا جانے والا جوڑا کینیڈا پہنچ گیا ہےجہاں بوائل نے ایئر پورٹ پر جہاز سے اترنے کے بعد صحافیوں سے بات چیت کی۔

جوشوا بوائل نے کہا کہ ’’ یقینی طور پر یہ میرے خاندان کے لیے بے پناہ اہمیت کا حامل ہوگا کہ ہم اپنے بچوں کے لیے یہاں ایک محفوظ پناہ گاہ تعمیر کر سکیں گے جسے وہ گھر کہہ سکیں۔

بوائل نے بتایا کہ قید کے دوران  خدا نے انہیں اور ان کے خاندان کو بے مثال عزم اور حوصلہ عطا کیا۔

جوشوا نے کہا کہ حقانی نیٹ ورک کی طرف سے ایک ایسے زائر اور اس کے خاندان کو اغوا کرنے کی حماقت اور برے فعل سے بھی بڑی حماقت میری کم سن بیٹی کو قتل کرنے کا حکم دینا ہے۔

انہوں نے بتایا کہ قید کے دوران ان کی کمسن بیٹی کو ہلاک کیا گیا جس کے بعد ان کی بیوی کو بھی حوس کا نشانہ بنایا گیا۔

جوشوا بوائل نے بتایا کہ وہ طالبان کے زیر کنٹرول علاقے میں عام لوگوں کی مدد کرنے میں مصروف تھے۔

نوٹ: یہ خبر 15 اکتوبر کے روزنامہ جنگ میں شائع ہوئی ہے۔