16 اکتوبر ، 2017 
پاکستان
وزیر بلدیات سندھ جام خان شورو کیخلاف نیب تحقیقات کا آغاز
16 اکتوبر ، 2017
کراچی: نیب نے وزیر بلدیات سندھ جام خان شورو کے خلاف تحقیقات کا آغاز کردیا۔
جیونیوز کے مطابق صوبائی وزیر بلدیات جام خان شورو پر حیدرآباد کے علاقے قاسم آباد میں سرکاری واٹر ہائیڈرینٹ کی زمین پر پیٹرول پمپ قائم کرنے کا الزام ہے جس پر سابق چیرمین نیب قمر زمان چوہدری نے ڈی جی نیب سندھ کو ان کے خلاف تحقیقات کا حکم دیا تھا۔
سابق چیرمین نیب کے حکم پر ڈی جی نیب سندھ نے تحقیقات کا آغاز کیا ہے اور اس میں محکمہ لینڈ کے افسران کو بھی شامل کرنے کا فیصلہ کیا گیا ہے۔
