25 دسمبر ، 2017 
داعش کی حمایت، سعودی شہری کو 20 سال قید کی سزا
25 دسمبر ، 2017
سعودی فوجداری کی عدالت نے دہشت گرد تنظیم داعش کی حمایت، ملکی نظام کو نقصان پہنچانے والا ابلاغی مواد تیار کرنے، منحرف افکار پھیلانے والے ای گروپ میں شمولیت اور دہشت گرد کو 5 لاکھ ریال عطیہ دینے پر ایک سعودی شہری کو 20 برس قید کی سزا سنا دی۔
دہشت گردی میں ملوث سعودی شہری دہشت گردوں سے رابطے استوار کئے ہوئے تھا اور انہیں چھپنے چھپانے کی سہولت مہیا کرتا تھا۔
تفصیلات کے مطابق یہ شہری متعدد افراد کو سعودی عرب سے شورش زدہ مقامات جانے میں تعاون فراہم کررہا تھا اور سرکاری اداروں کی حراست سے نکالنے کیلئے مختلف تدبیریں اختیار کررہا تھا۔
عدالت نے سعودی شہری کو مجموعی طور پر 20 برس قید کی سزا سنائی اور آئندہ انٹرنیٹ سے منسلک ہونے پر پابندی لگا دی۔
عدالت نے اس کی موبائل سم منسوخ کردی جبکہ اس پر قید کی میعاد 20 برس مکمل کرنے کے بعد بھی اتنی ہی مدت تک مملکت سے باہر جانے پر پابندی لگا دی گئی۔
مزید خبریں :
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
ایلون مسک کی دولت ریکارڈ 348 ارب ڈالرز تک پہنچ گئی
24 نومبر ، 2024
