ٹنڈو محمد خان میں 7 سالہ بچی کو مبینہ زیادتی کے بعد زندہ جلادیا گیا
13 فروری ، 2018
ٹنڈو محمد خان میں 7 سال کی بچی کو مبینہ زیادتی کے بعد زندہ جلادیا گیا۔
پولیس کے مطابق گوٹھ سومار ماچھی کی رہائشی متاثرہ بچی کا 20 فیصد جسم جھلس گیا ہے جو مقامی اسپتال میں زیر علاج ہے۔
سول سرجن ڈاکٹر امیر علی چنہ کا کہنا ہے کہ بچی کا میڈیکل مکمل کرلیا گیا ہے۔ پولیس سرجن نے کہا کہ بچی کو زیادتی کے بعد جلانے کی کوشش کی گئی ہے۔
پولیس حکام نے بتایا کہ والد نے روزگار پر جانے سے قبل بچی کو موسیٰ نامی پڑوسی کے گھر چھوڑا تھا جسے گرفتار کرلیا گیا ہے۔
ڈی آئی جی جاوید عالم کا کہنا تھا کہ واقعے کی تحقیقات کی جارہی ہیں۔
مبینہ زیادتی کے واقعے کا آئی جی سندھ اے ڈی خواجہ نے نوٹس لیتے ہوئے ڈی آئی جی حیدراباد سے رپورٹ طلب کر لی۔
مزید خبریں :
کوئٹہ میں زلزلے کے جھٹکے، شدت 3.5 ریکارڈ
4 گھنٹے پہلے
حج آپریشن 9 مئی سے ملک بھر میں شروع ہوگا
3 گھنٹے پہلے
