13 جون ، 2018 
نیو اسلام آباد ایئرپورٹ کے ٹوائلٹ کی تعمیر میں فاش غلطی کا انکشاف
13 جون ، 2018
مسافر نیو اسلام آباد ایئرپورٹ کے ٹوائیلٹس استعمال کرتے ہوئے احتیاط برتیں کیوں کوئی آپ کو دیکھ سکتا ہے۔
بے نمبر 19 پر کھڑے طیاروں کے کاک پٹ سے ان ٹوائلٹس کا اندرونی حصہ صاف نظر آنے کا انکشاف ہوا ہے۔
اوپن ایئر ٹوائلٹس کا استعمال پسماندہ ترین علاقوں میں ہو تو ہو، مگر اسلام آباد جیسے جدید شہروں میں یہ بات یقینا کوئی برداشت نہیں کرے گا کہ اُس کے زیر استعمال ٹوائلٹ کا اندرونی منظر، باہر والوں کو نظر آئے۔
یہ بات ہے نیو اسلام آباد ایئرپورٹ کی جہاں تعمیراتی ڈیزائن کی فاش غلطی سامنے آئی ہے۔
جیونیوز کی تحقیق کے مطابق انٹرنیشنل ڈیپارچر کے باتھ رومز اس طرح تعمیر کئے گئے ہیں کہ ایئرپورٹ کے بے نمبر نائنٹین پر کھڑے طیارے کے کاک پٹ کی کھڑکی سے ان کا اندرونی منظر صاف دیکھا جاسکتا ہے۔
