06 جولائی ، 2018 
پاکستان
جنوبی افریقا میں پراسرار طور پر جل کر جاں بحق 3 افراد کی لاشیں پاکستان پہنچ گئیں
06 جولائی ، 2018
لاہور: جنوبی افریقا میں پراسرار طور پر جل کر جاں بحق ہونے والے 3 افراد کی میتیں پاکستان پہنچادی گئیں۔
مرنے والوں میں دو سگے بھائی اور ایک کزن شامل ہے، جنہیں 2 جولائی کو پیر اور منگل کی درمیانی شب قتل کیا گیا تھا۔
لواحقین کا الزام ہے کہ تینوں افراد کو پہلے قتل کیا گیا اور پھر لاشیں جلادی گئیں۔
نمائندہ جیو نیوز کے مطابق مقتولین میں مانانوالہ کے رہائشی دو سگے بھائی ریاض، آصف اور ان کا کزن بلال شامل ہیں۔
یہ تینوں افراد گزشتہ چھ، سات سال سے جنوبی افریقا میں محنت مزدوری کر رہے تھے۔
مقتولین کی لاشیں لاہور کے علامہ اقبال انٹرنیشنل ایئرپورٹ لائی گئیں، جہاں انھیں ورثاء کےحوالے کر دیا گیا۔
