26 جون ، 2025 
پاکستان
دن رات کسی بھی وقت تھرمل ڈرونز سے نقل وحرکت کی نگرانی کی جائےگی: ذوالفقار حمید/ فائل فوٹو
محرم میں ماتمی جلوسوں کی نگرانی کیلئے ڈرونز استعمال کیے جائیں گے: آئی جی کے پی
26 جون ، 2025
پشاور : آئی جی کے پی ذوالفقارحمید نے کہا ہےکہ محرم میں ماتمی جلوسوں کی نگرانی کے لیے ڈرونز استعمال کیے جائیں گے۔
جیو نیوز سے گفتگو کرتے ہوئے آئی جی کے پی ذوالفقار حمید نے کہا کہ خیبرپختونخوا پولیس نے جدید اسلحہ خرید لیا ہے، پولیس کو تھرمل ڈرونز رواں ہفتے مل جائیں گے، ان ڈرونز سے دن رات کسی بھی وقت نقل وحرکت کی نگرانی کی جائےگی۔
آئی جی کے پی نے بتایا کہ رواں ہفتے شارٹ مشین گنزکی ڈیلیور ی بھی ہوجائےگی، خراب آرمرڈ پرسنل کیرئیر گاڑیاں بھی ٹھیک کردی ہیں جب کہ آرمرڈ پرسنل کیرئیر گاڑیاں بھی آجائیں گی۔
انہوں نے مزید کہا کہ اے پی سی گاڑیاں حساس اضلاع میں محرم کےد وران مہیا کریں گے اور ماتمی جلوسوں کی نگرانی کیلئے ڈرونز بھی استعمال کیےجائیں گے۔
