پاکستان
Time 27 جولائی ، 2018

این اے 13 مانسہرہ سے نو منتخب رکن قومی اسمبلی پی ٹی آئی میں شامل

مید ہے زیادہ تر آزاد امیدوار تحریک انصاف میں شامل ہوں گے، صالح محمد—بشکریہ پی ٹی آئی فیس بک پیج۔

اسلام آباد: قومی اسمبلی کی نشست این اے 13 مانسہرہ سے نو منتخب رکن قومی اسمبلی صالح محمد نے پاکستان تحریک انصاف (پی ٹی آئی) میں شمولیت اختیار کرلی ہے۔

صالح محمد کی تحریک انصاف کے چیئرمین عمران خان سے ملاقات ہوئی جس کے دوران انہوں نے پارٹی میں شمولیت کا باضابطہ اعلان کیا۔

ملاقات کے دوران سینئر مرکزی رہنما جہانگیر ترین، سینیٹر اعظم سواتی اور پرویز خٹک بھی موجود تھے۔

صالح محمد نے تحریک انصاف کی قیادت اور منشور پر مکمل اعتماد کا اظہار کرتے ہوئے پارٹی میں شمولیت کی تصدیق کی۔

صالح محمد خان نے کہا کہ امید ہے زیادہ تر آزاد امیدوار تحریک انصاف میں شامل ہوں گے۔

خیال رہے کہ الیکشن کمیشن کی جانب سے فراہم کردہ نتائج کے مطابق تحریک انصاف قومی اسمبلی کی 272 میں سے 116 نشستیں حاصل کرچکی ہے تاہم اسے حکومت بنانے کے لیے 137 نشستیں درکار ہیں۔

مطلوبہ نشستیں پوری کرنے کے حوالے سے آزاد امیدواروں کا کردار انتہائی اہمیت اختیار کرگیا ہے۔

مزید خبریں :